Хүүхдийн ном

Өнөөдөр охин маань номныхоо зургийг сонирхон үзэж байгаад нэг хуудас нь урагдаад өглөө. Тэгээд наасныхаа дараа бусад номнуудыг нь эргүүлж тойруулж салсан, урагдсан, үнгэгдсэн хүртэл наав. Би ч охиндоо ном авч өгөх дуртай. Төрөхөд нь үлгэр уншиж өгнө гээд ах дүү Гриммын үлгэрийн ном авлаа, баахан л шулам, чөтгөр дарсан тухай. Хүүхдэд ямар ном зүгээр гэдгийг мэдээгүй л бололтой. Бага байхад л миний санахын аав ээж минь нэг сэтгүүл авчираад хойд хэсгээс нь нэг хуудсыг нь авч нугалаад, үдээсний машинаар хавчаад бяцхан ном хийж өгдөг байсан. Дараа нь үүлэн бор, ЗХУ-ын 5-н ширхэг боть ном, Монголын ардын үлгэр туужууд, зүйр цэцэн үгс, сургаальтай ном, Монголын хүүхдийн уран зохиол, Нэвтэрхий толь 3-н боть гээд орос, монгол ном бүгдийг авч өгсөн. Одоо тэд нараас нь зарим нь байдаг, зарим нь хүүхдүүд авч яваад өгөөгүй гэх мэт. За тэр ч яахав, хүүхдийн ном ярих гэж байгаа шүү дээ. Нет-р нас насанд ямар ном үзүүлэх вэ гээд баахан юм уншсан хэрнээ номын дэлгүүрт бас хүссэнээ олох хэцүү, хүүхдийн гарын ая даах, зураг нь том, сонирхолтой байх, бас үнэ гээд. Эргүүлж тойруулан сонгодог. Toddler, pre-school ном бас манай улсад сонголт цөөтэй л гэж бодогддог. Тийм болохоор ийшээ тийшээ хүн явбал гоё ном захидаг. Ямар ч улсад ямар нэг дэлгүүрт номын дэлгүүр эсвэл номын худалдаа байж л таараа.

Анх охиндоо зөөлөн, гарт хүрч болоход гарыг зүсэхгүй гэж даавуун ном авсан. Муухай болвол угааж болдог. Хүүхэд л юм хойно таньж мэднэ гээд амандаа хийнэ, амсаж үзнэ, базна бариад унагасан ч өөрийг нь өвтгөхгүй, гэмтээхгүй.

Нэгийг хүүхдийн дэлгүүрээс, нөгөөг нь ebay-с авч билээ

Дараагийн ном маань Монголын бяцхан үрсэд зориулсан, үнэ нь боломжийн, хөөрхөн ном. Дотроо хэдэн цувралтай, бас хүрс мэдэрдэг үслэг, даавуун, гялтгар оруулга хийж өгсөн. 5,900төгрөг

Номын бүх дэлгүүрт байгаа. Дөнгөж гэртээ компьютертэй болж байхад аав минь DK encyclopedia-тай СД авчираад, түүнийг үзэхэд бүх л юм тэнд байгаа шиг л санагддаг байсан

Дараагийн ном маань үлгэрийн ном. Одоогоор үүнээс гоё ном олоогүй л байна. Бас Жангарынх. Жангар гэхээр гайхаж байгаа биз, хүүхдийн номын редакц эрхлэн гаргасан. Өөр бас янз бүр бий. Энэ номнууд нь 4,900төгрөг

Одоогоор надад маш их таалагдаж байгаа, охиндоо ярьж өгөхөд ч сонирхолтой, бараг л дуулж өгнө дөө

Дараагийн ном маань бид бүгдийн мэддэг Улаан малгайт охин, эмээ нь Сингапурт явж байгаад, мэддэг үлгэр байсан болохоор авсан гэсэн, зурагнууд иш маш том, хуудас бүр нь дотроо онгорхой 

энэ үлгэр Мир редаксаас гаргасан 15,000төгрөгний үнэтэй байна лээ шүү

Одоо тоо тоолж сургана гээд хуудас бүртээ нэг тоотой, тэр тоо бүр нь амьтан, зургаар дүрсэлсэн. Намар Хонг Конг явахда авсан.

1 шувуу, 1 хонь, 1 цэцэг гээд л

Дуу сурганаа гээд дуулдаг ном авсан. 

Энэ нүүр болгондоо дуу явдаг, номингийн дэлгүүрт 2 төрөл харагдсан.

Энэ бүх хүүхдэд байгаа байхоо. 3н төрөлтэй юм билээ. Дууны үгнүүд нь нүүр болгон дээрээ бичээстэй, зурагтай. Их дэлгүүрээс 35,000төгрөгөөр авч байсан. Зарим нэг дууг нь илүү их сонирхож байнга сонсдог

Ноднин ой хүрэхэд нь бэлгэнд авсан номнууд, хүмүүс ямар бэлэг авах вэ гэхээр тоглоом, ном л гэдэг. Баяраар ихэвчлэн хүүхдийн сүү, нухаш, живх л өгсөн дөө.

Бэлгэнд авсан, одоогоор сонирхохгүй л байна,щ

энэний бодийг хөтөлж байгаа. зузаан болохоор нэг унахад л салж эхэлж байгаа, гэхдээ зураг хөрөг сайтай, хүүхэлдэйн баатрууд ихтэй. Үүний оронд дотроо 5н ширхэгтэй нь зүгээр юм билээ

Дүү маань бэлтгэл ангидаа хэрэглэж байгаад охинд минь шилжүүлсэн

нөгөө миний авсан хүүхдийнхээ насанд тохируулаагүй ном шүү дээ

энэ их гоё оо, манай охин бас дуртай, гар нь хуудсанд зүсэгдэх гээд байдаг болохоор нь түр хураачихсан. Одоо бүжиг гэдгийг авмаар байгаа. 18,000төгрөгөөр худалдаалагддаг

Зарим нэг сургуулийн өмнөх насны ном бий

үүнийг Сингапураас авсан, бас хөөрхөн үгнүүдийг нь заачихсан

энэ бас гүнж нартай, 2 төрлөөр уншигддаг, эхний хэсэг нь дан зураг, өөрөө зургаа хараад яридаг, дараагийн хэсэг нь хэдэн мөр үгтэй, уншиж сурч байгаа хүүхдэд зориулсан. Хонг Конгоос авсан болохоор англи хэл дээр хэвлэгдсэн